पुणे: कात्रज जवळील जांभुळवाडी तलावात जवळपासच्या RMC प्लान्टद्वारे सिमेंटचे पाणी सोडले जात असल्याची गंभीर माहिती समोर आली आहे. हे पाणी तलावातून पुढे वाहून जवळपासच्या विहिरी आणि बोअरवेलमध्येही मिसळत आहे, ज्यामुळे नैसर्गिक जलस्रोतांचे प्रदूषण होण्याची शक्यता वाढली आहे.
जांभुळवाडी परिसर आणि तलाव दोन्ही आता पुणे मनपाच्या अखत्यारीत आले आहेत. यामुळे या प्रकरणाची जबाबदारी मनपाचं आहे. याच परिसरात निखिल कन्स्ट्रक्शनसह इतर काही खाजगी RMC प्लॅन्ट आहेत.
प्रत्यंचा संस्थापक रुपेश केसेकर यांनी या प्रकरणाची गंभीर दखल घेत पुणे मनपाकडे तात्काळ कारवाईची मागणी केली आहे.
प्रत्यंचा संस्थेचे म्हणणे:
- RMC प्लान्टद्वारे सिमेंटचे पाणी सोडणे हे कायद्याचे उल्लंघन आहे.
- यामुळे नैसर्गिक जलस्रोतांचे प्रदूषण होत आहे आणि स्थानिक नागरिकांच्या आरोग्यावर गंभीर परिणाम होऊ शकतात.
- पुणे मनपाने या प्रकरणाची तत्काळ चौकशी करून संबंधित RMC प्लान्टवर कठोर कारवाई करावी.
पुणे मनपाकडून काय अपेक्षा?
- RMC प्लान्टवर कठोर कारवाई करणे.
- भविष्यात अशा घटनांना प्रतिबंध करण्यासाठी कठोर नियम आणि कायदे लागू करणे.
- प्रदूषित झालेल्या जलस्रोतांचे त्वरित स्वच्छता आणि सुधारणा कार्य करणे.
या गंभीर प्रकरणाकडे पुणे मनपाने तात्काळ लक्ष देणे गरजेचे आहे. नैसर्गिक जलस्रोतांचे संरक्षण आणि स्थानिक नागरिकांच्या आरोग्याचा विचार करून त्वरित कारवाई करणे आवश्यक आहे.
