Tiger 3 release date : टायगर ३ दिवाळीच्या मुहूर्तावर १० नोव्हेंबरला होणार प्रदर्शित
बॉलिवूडचा दबंग स्टार सलमान खान आणि कतरिना कैफ यांच्या अभिनयाने सजलेला बहुचर्चित चित्रपट ‘टायगर ३’ दिवाळीच्या मुहूर्तावर १० नोव्हेंबरला रिलीज होणार आहे. या चित्रपटाची रिलीज डेट अखेर जाहीर झाल्याने सलमान खानच्या चाहत्यांमध्ये उत्साह आहे.
‘टायगर ३’ हा सलमान-कतरिनाचा तिसरा आणि ‘टायगर’ फ्रँचायझीचा तिसरा चित्रपट आहे. या चित्रपटात इम्रान हाश्मीही महत्त्वाच्या भूमिकेत आहे. या चित्रपटाचे दिग्दर्शन मनीष शर्मा यांनी केले आहे.
‘टायगर ३’ हा यशराज फिल्म्सचा सर्वात महागडा चित्रपट असल्याचे सांगितले जात आहे. हा चित्रपट हिंदी, तमिळ आणि तेलगू या तीन भाषांमध्ये रिलीज होणार आहे.
