पुणे, दि. 14 नोव्हेंबर 2023: दीपावली सणाच्या निमित्ताने वानवडी येथे बोहरी समाजाच्या वतीने आयोजित करण्यात आलेल्या कार्यक्रमाला पुणे कॅन्टोन्मेंट विधानसभा मतदारसंघाचे आमदार मा. सुनिलभाऊ कांबळे यांनी उपस्थित राहून बोहरी समाज बांधवांना दीपावलीच्या हार्दिक शुभेच्छा दिल्या.
याप्रसंगी भाजपाचे पुणे शहर सरचिटणीस महेश पुंडे, मोईझजी, कुसाईजी, सुप्रियाताई कांबळे आदी तसेच मोठ्या संख्येने बोहरी समाज बांधव उपस्थित होते.
यावेळी बोलताना आमदार कांबळे म्हणाले की, दीपावली हा प्रकाशाचा सण आहे. या सणानिमित्ताने सर्व जातीधर्माच्या लोकांनी एकत्र येऊन दीप प्रज्वलित करून हा सण साजरा करावा. दीपावली ही सर्वांसाठी आनंदाचे आणि उत्साहाचे दिवस असतात. या सणानिमित्ताने सर्वांनी एकमेकांना शुभेच्छा द्याव्यात आणि शांततापूर्ण वातावरणात हा सण साजरा करावा, असे आवाहन त्यांनी केले.
यावेळी बोहरी समाजाच्या पदाधिकाऱ्यांनी आमदार कांबळे यांचे स्वागत केले. त्यांनी आमदार कांबळे यांच्यावर बोहरी समाजाच्या विकासासाठी केलेल्या कार्याबद्दल कृतज्ञता व्यक्त केली.
कार्यक्रमाला उपस्थित सर्वांना दीपावलीच्या हार्दिक शुभेच्छा!
