सावधान! पुण्यात सध्या उद्भवलेला गुलियन बारी सिंड्रोम (Guillain-Barré Syndrome) हा आजार संपूर्ण महाराष्ट्रात पसरू शकतो. हा आजार तातडीने ओळखणे आणि प्रतिबंधात्मक उपाय करणे गरजेचे आहे. शारीरिक अशक्तपणा, स्नायूंची हालचाल मंदावणे आणि तंत्रिका तक्रारी हे या आजाराची प्रमुख लक्षणे आहेत. आपल्या कुटुंबाचे आणि स्वतःचे आरोग्य सुरक्षित ठेवण्यासाठी खालील महत्त्वाचे नियम पाळा.
✅ पाणी स्वच्छता:
- सुरक्षित आणि स्वच्छ पिण्याच्या पाण्याची खात्री करा.
- पाणी गाळून, किमान २० मिनिटे उकळून आणि नंतर थंड करूनच प्या.
✅ अन्न स्वच्छता:
- भाज्या आणि फळे स्वच्छ धुवून खा.
- फक्त घरचे ताजे आणि स्वच्छ शिजवलेले अन्न सेवन करा.
- बाहेरील अस्वच्छ आणि उघड्यावर ठेवलेले अन्न टाळा.
- अर्धवट शिजलेले मांसाहारी पदार्थ, विशेषतः कच्चे अंडी आणि चिकन टाळा.
- कच्चे आणि शिजवलेले अन्न वेगळ्या ठिकाणी ठेवा.
- स्वयंपाक करताना स्वच्छता राखा आणि भांडी निर्जंतुक करा.
✅ हाताची स्वच्छता:
- जेवणाच्या आधी आणि शौचालय वापरल्यानंतर साबणाने हात धुवा.
- अन्नपदार्थ हाताळताना प्रत्येकवेळी हात स्वच्छ करा.
⚠️ त्वरित डॉक्टरांचा सल्ला घ्या जर:
- हातापायात अचानक कमजोरी येत असेल.
- चालताना तोल जात असेल किंवा स्नायूंच्या हालचाली मंदावल्या असतील.
- गिळताना, बोलताना किंवा श्वास घेण्यास त्रास होत असेल.
- हातपाय सुन्न होत असतील किंवा झिणझिण्या येत असतील.
ही लक्षणे आढळल्यास विलंब न लावता जवळच्या आरोग्य केंद्रात संपर्क साधा. हा आजार ओळखला आणि वेळेत उपचार घेतले, तर गंभीर परिणाम टाळता येऊ शकतात!
📰 महत्त्वाच्या अपडेट्ससाठी आम्हाला फॉलो करा:
📲 Google News | WhatsApp Channel
