ladki bahin yojana update: 28 जून 2024 आणि 3 जुलै 2024 रोजी जाहीर झालेल्या शासन निर्णयानंतर महिलांमध्ये मोठा गोंधळ पाहायला मिळतोय. ‘मुख्यमंत्री माझी लाडकी बहीण’ या योजनेअंतर्गत पात्र महिलांना दरमहा १५०० रुपये सन्मान निधी देण्यात येतोय. मात्र अनेक महिलांच्या खात्यात केवळ १००० रुपयेच जमा झाल्याच्या तक्रारी समोर येत आहेत.
या गोंधळात अजून भर म्हणजे ‘नमो शेतकरी सन्मान योजना’ अंतर्गत दरमहा १००० रुपये मिळणाऱ्या ७,७४,१४८ महिलांना उर्वरित ५०० रुपये फरकाचे सन्मान निधी म्हणून देण्यात येत असल्याचे सांगण्यात आले आहे. त्यामुळे महिलांमध्ये प्रश्न उपस्थित होतोय – “मग आम्हाला थेट १५०० रुपये का नाही मिळत?“
सरकारने मात्र स्पष्ट केले आहे की, जे लाभार्थी आधीपासून इतर योजनांतून काही रक्कम घेत होते, त्यांना फक्त फरकाची रक्कम (१५०० मध्ये किती कमी मिळतेय, त्यानुसार) दिली जात आहे. एकाही पात्र भगिनीस वगळण्यात आलेले नाही आणि 3 जुलै 2024 नंतर योजनेत कोणताही बदल करण्यात आलेला नाही, असं अर्थसंकल्पीय अधिवेशनात सरकारने सांगितलंय.
पण तरीही विरोधक सरकारवर सातत्याने आरोप करत आहेत की, “ही योजना फसवी आहे आणि महिलांची दिशाभूल केली जात आहे.” यावर मुख्यमंत्री म्हणतात – “माझ्या लाडक्या बहिणी विरोधकांच्या अपप्रचाराला बळी पडणार नाहीत.“
📌 संपूर्ण बातमीचा गाभा:
ज्या महिलांना कोणत्याही सरकारी योजनेचा लाभ नाही, त्यांना दरमहा १५०० रुपये.
इतर योजना चालू असलेल्या महिलांना त्या योजनेचा लाभ वजा करून उरलेली रक्कम.
नमो शेतकरी योजनेतील महिलांना १००० + ५०० = १५०० यासाठी ५०० रुपये फरक दिला जातोय.