शिवप्रेमींसाठी ऐतिहासिक क्षण! लंडनहून वाघनखं भारतात येणार !
शिवप्रेमींसाठी ऐतिहासिक क्षण! लंडनहून वाघनखं भारतात येणार
मुंबई, ४ ऑक्टोबर २०२३: छत्रपती शिवाजी महाराजांच्या इतिहासातील एक महत्त्वाची वस्तू म्हणजे त्यांची वाघनखं. ही वाघनखं सध्या लंडनच्या व्हिक्टोरिया अँड अलबर्ट म्युझियममध्ये ठेवण्यात आली आहेत. या वाघनखांना भारतात आणण्यासाठी महाराष्ट्र सरकारने प्रयत्न केले आणि त्यात यश आले आहे.
आज लंडन येथे व्हिक्टोरिया अँड अलबर्ट म्युझियमचे संचालक ट्रायस्टम हंट आणि महाराष्ट्र सरकारचे सांस्कृतिक कार्य मंत्री सुधीर मुनगंटीवार यांच्यात सामंजस्य करारावर स्वाक्षरी करण्यात आली. या करारानुसार, शिवाजी महाराजांच्या वाघनखांना २०२४ मध्ये भारतात आणण्यात येईल.
या करारावेळी मुख्यमंत्री एकनाथ शिंदे यांनी दूरदृश्यसंवाद प्रणालीद्वारे संबोधित केले. त्यांनी सांगितले की, छत्रपती शिवाजी महाराजांच्या स्वराज्य स्थापनेत महत्त्वाची भूमिका असलेल्या गनिमी काव्याचं उत्तम उदाहरण म्हणजे ही वाघनखं असून शिवछत्रपतींची ही वाघनखं आता केवळ महाराष्ट्रच नव्हे तर भारतातील तमाम शिवप्रेमींसाठी एक प्रकारे शिवदर्शन ठरणार आहे.
या करारामुळे शिवप्रेमींमध्ये मोठी उत्सुकता निर्माण झाली आहे. शिवाजी महाराजांच्या वाघनखांना भारतात येण्यासाठी शिवप्रेमींनी अनेक वर्षे प्रयत्न केले होते. त्यात आता यश आले आहे.
या वाघनखांना २०२४ मध्ये महाराष्ट्रात आणण्यात येईल. त्यानंतर त्यांची प्रदर्शने आयोजित केली जातील. या प्रदर्शनांमध्ये शिवप्रेमींनी सहभागी होऊन छत्रपती शिवाजी महाराजांच्या इतिहासाचा अनुभव घेऊ शकतील.
