कार्तिक यात्रा-२०२३ अनुषंगाने वाहतूक बदल ( Kartik Yatra 2023, Traffic Diversions in Pune)

पुणे, दि. ५ डिसेंबर २०२३: संत श्री. ज्ञानेश्वर महाराज संजीवन समाधी सोहळा व कार्तिक यात्रा २०२३ दि. ०५/१२/२०२३ ते १२/१२/२०२३ या कालावधीत साजरी होणार आहे. सदर कालावधीत आळंदी येथे भाविकांची मोठया प्रमाणात गर्दी होत असते व त्यामुळे मोठया प्रमाणावर वाहतूक कोंडी होण्याची शक्यता आहे. या परिसरातील वाहतूक सुरळीत रहावी याकरीता वाहतूकीत आवश्यकतेनुसार बदल करणे गरजेचे आहे.

Scheme For Women : महिलांसाठी नवीन पेन्शन योजना! महिन्याला मिळणार 10,000 रुपये

याकरीता महाराष्ट्र शासन गृह विभाग क्र.एम.व्ही.ए.०१९६/८७१/ सीआर-३७/ टिआरए-२, दिनांक-२७/०९/१९९६ चे नोटीफीकेशन नुसार मोटार वाहन कायदा कलम ११५,११६(१) (ए) (बी), ११६ (४) आणि ११७ अन्वये पोलीस उप आयुक्त, वाहतूक, पुणे शहर विजयकुमार मगर यांनी खालीलप्रमाणे वाहतूक बदल केला आहे.

• दि. ०५/१२/२०२३ ते १२/१२/२०२३ रोजी दरम्यान अहमदनगर कडुन मरकळमार्गे आळंदीकडे जाणारी जड वाहतूक बंद करण्यात येत आहे.
• या वाहनांनी पर्यायी मार्ग म्हणून अहमदनगर नगर रोडने लोणीकंद आंबेडकर चौक- आळंदी रोड जंक्शन- चंद्रमा चौक – शास्त्रीनगर चौक – गोल्फ क्लब चौक होळकर पुलावरुन पोल्ट्री फार्म चौक जुना पुणे मुंबई रोडने बोपोडी चौक- नाशिक फाटा मार्गे इच्छितस्थळी जावे.

या वाहतूक बदलामुळे भाविकांना तसेच इतर वाहनचालकांना वाहतूक सुरळीत होण्यास मदत होईल अशी अपेक्षा आहे.