शिक्रापूर, ता. 5 : भरधाव टेम्पोने दुचाकीला धडक दिल्याने झालेल्या अपघातात 12 वर्षीय मुलाचा मृत्यू झाला. तर मुलाचे वडील गंभीर जखमी झाले आहेत. हा अपघात शनिवारी (दि. 4) दुपारी सव्वा दोन वाजता रासे फाटा येथे घडला.
श्रीमंत भीमा धनवे (वय 39, रा. शिक्रापूर, ता. शिरूर) हे त्यांच्या 12 वर्षीय मुलाच्यासोबत दुचाकीवरून शिरूरच्या दिशेने जात होते. रासे फाटा येथे ते असताना मागे येणाऱ्या भरधाव टेम्पोने त्यांच्या दुचाकीला जोरदार धडक दिली. या धडकेमुळे दुचाकी चालक श्रीमंत धनवे आणि त्यांचा मुलगा दोघेही रस्त्यावर उडून पडले. या अपघातात श्रीमंत धनवे गंभीर जखमी झाले. तर त्यांचा मुलगा रणजीत धनवे याचा जागीच मृत्यू झाला.
आयटीबीपी कॉन्स्टेबल (जनरल ड्यूटी) भरती 2023: 248 पदांसाठी ऑनलाइन अर्ज करा
या घटनेची माहिती मिळताच चाकण पोलीस घटनास्थळी दाखल झाले. अपघातग्रस्तांना उपचारासाठी चाकण येथील ग्रामीण रुग्णालयात दाखल करण्यात आले. श्रीमंत धनवे यांच्यावर उपचार सुरू आहेत. तर रणजीत धनवे याचा मृतदेह शवविच्छेदनासाठी पुण्यात पाठवण्यात आला आहे.
याप्रकरणी श्रीमंत धनवे यांनी चाकण पोलीस ठाण्यात फिर्याद दिली आहे. त्यानुसार टेम्पो चालक बंडू सुदाम धायबर (वय 46, रा. शिक्रापूर, ता. शिरूर) याला पोलिसांनी अटक केली आहे. टेम्पो जप्त करण्यात आला आहे.
