Sinhagad road accident : सिंहगड रोड वरती भयंकर अपघात , सिग्नलला उभा असलेल्या डंपरला आयशर व ट्रेलर या गाड्यांनी पाठीमागून धडक

पुणे, 15 सप्टेंबर 2023: कात्रजकडून (Katraj) येणाऱ्या रस्त्यावर नवले चौक (Navle Chowk ) येथे सिग्नलला उभा असलेल्या डंपरला आयशर व ट्रेलर या गाड्यांनी पाठीमागून धडक देऊन अपघात झाला. या अपघातात (Sinhagad road accident) आयशर मधील चालक गंभीर जखमी झाला. मात्र, सिंहगड रोड (Sinhagad Road) वाहतूक विभागाकडील पोउनि पवार आणि पोलीस अंमलदार रणसिंग यांनी तातडीने घटनास्थळी धाव घेतली आणि कर्तव्यतत्परते सोबतच माणुसकीचे दर्शन घडवत आयशर मधील अडकलेल्या चालकास सुखरूप बाहेर काढून नवले हॉस्पिटल येथे पुढील उपचारार्थ दाखल केले.

अपघाताची माहिती मिळताच पोउनि पवार आणि पोलीस अंमलदार रणसिंग यांनी घटनास्थळी धाव घेतली. आयशर मधील चालक गाडीत अडकून पडल्याचे पाहून त्यांनी तातडीने मदत केली. दोघांनी एकत्रितपणे आयशर मधील चालकाला बाहेर काढले. चालकाला गंभीर जखम झाल्याने त्याला नवले हॉस्पिटल येथे दाखल करण्यात आले.

पोउनि पवार आणि पोलीस अंमलदार रणसिंग यांनी केलेल्या कार्याची वाहतूक विभागाकडून प्रशंसा करण्यात आली आहे. त्यांच्या कामगिरीचा आम्हाला अभिमान आहे, अशी प्रतिक्रिया वाहतूक विभागाच्या अधिकाऱ्यांनी दिली.

अपघातात डंपर, आयशर आणि ट्रेलर या तिन्ही वाहनांचे मोठे नुकसान झाले आहे. या अपघातामुळे वाहतूक काही काळासाठी ठप्प झाली होती. वाहतूक पोलिसांनी घटनास्थळी पोहोचून वाहतूक सुरळीत केली.