मुंबई — एका दुर्मिळ आजाराने ग्रस्त आईच्या उपचारासाठी मुख्यमंत्री आणि उपमुख्यमंत्र्यांना भेटण्याचा प्रयत्न करणाऱ्या एका चिमुकल्या मुलाच्या संघर्षाला शेवटी सकारात्मक वळण मिळाले आहे. मुलाच्या निराशेच्या घटकेतील पाठिंबा म्हणजे मुख्यमंत्री कार्यालयातील कर्मचारी राहुल देवरे यांनी केलेली हस्तक्षेप. त्यांच्या मदतीमुळे आईला केईएम रुग्णालयात बेड मिळून उपचार सुरू झाले आहे.
या चिमुकल्या मुलाने आईच्या गंभीर आरोग्याच्या परिस्थितीमुळे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांना भेटून मदतीची याचना करण्याचा निर्धार केला होता. मात्र, त्याच्या प्रयत्नांना निराशाच हात आली होती. तेव्हा मुख्यमंत्री कार्यालयातील कर्मचारी राहुल देवरे यांना ही बाब कळताच त्यांनी तातडीने या मुलाशी संपर्क साधून प्रकरण उच्चाधिकाऱ्यांपर्यंत पोहोचवले.
देवरे यांच्या पुढाकाराने केईएम रुग्णालयाचे डॉ. बांगर, मुख्यमंत्री वैद्यकीय सहाय्यता कक्षाचे प्रमुख रामेश्वर नाईक, उपमुख्यमंत्री वैद्यकीय कक्षाचे प्रमुख मंगेश चिवटे, तसेच त्यांचे सहकारी प्रसाद सूर्यराव, विकास पेडणेकर आणि अमोल मुरब यांनी समन्वयाने काम केले. या संघटित प्रयत्नांमुळे आईला केईएममध्ये तातडीने बेड उपलब्ध करून देण्यात आले, व उपचार सुरू झाले.
रोहित पवारांचा स्नेहिल आभार:
या संपूर्ण प्रक्रियेत सहकार्य केल्याबद्दल सामाजिक कार्यकर्ता रोहित पवार यांनी सर्वांना मन:पूर्वक आभार व्यक्त केले आहेत. पवार म्हणाले, “या कठीण प्रसंगी सर्व अधिकाऱ्यांनी मानवतावादी दृष्टिकोनातून काम केले. राहुल देवरे सरांसारख्या संवेदनशील कर्मचाऱ्यांमुळेच नागरिकांचा विश्वास सरकारी यंत्रणेत कायम आहे. आईला उपचारासाठी मदत मिळाली याबद्दल मी सर्वांचा ऋणी आहे.”
ही घटना सामाजिक जबाबदारी आणि सरकारी यंत्रणेतील संवेदनशीलतेचे उत्तम उदाहरण आहे. आरोग्य सेवांमध्ये सहकार्य आणि तातडीच्या हस्तक्षेपाचे महत्त्व पुन्हा एकदा प्रकर्षाने उद्या आले आहे. आता या चिमुकल्या मुलाच्या आईला पूर्ण उपचारानंतर आरोग्यलाभ मिळेल, अशी अपेक्षा सर्वत्र व्यक्त केली जात आहे.