महिला दिनानिमित्त येरवडा महिला कारागृहात कलागुणांचा सुमध स्वर

पुणे: दिनांक ८ मार्च २०२४ रोजी महिला दिनानिमित्त येरवडा मध्यवर्ती कारागृह आणि रोटरी क्लब ऑफ खडकी, पुणे यांच्या संयुक्त विद्यमाने येरवडा महिला कारागृहात सांस्कृतिक कार्यक्रमाचे आयोजन करण्यात आले होते.

या कार्यक्रमाचे अध्यक्षस्थान मा. श्रीमती स्वाती साठे, कारागृह उपमहानिरीक्षक, पश्चिम विभाग, पुणे यांनी भूषवले होते. कार्यक्रमात मान्यवरांच्या उपस्थितीत महिला बंदींनी विविध सांस्कृतिक कार्यक्रमांचे सादरीकरण केले. यामध्ये गणेश वंदना, लावणी, कथ्थक, झुंबा, देवी गोंधळ, मंगळागौर, शिवतांडव, बंगला डान्स, नटरंग, भारुड, बाईपण भारी देवा आणि विविधत्तेतून एकतेचा संदेश देणारा फॅशन शो यांचा समावेश होता.

कार्यक्रमाप्रसंगी मार्गदर्शनपर भाषण करताना मा. श्रीमती स्वाती साठे यांनी महिला बंदींच्या या कार्यक्रमाचे कौतुक केले आणि त्यांना प्रोत्साहन दिले. तसेच सिध्ददोष महिला बंदींना यानिमित्ताने विशेष माफी जाहीर करण्यात आली.

या कार्यक्रमाचे आयोजन श्रीमती रतन खिलारी, श्रीमती वेशाली मारकड, श्रीमती पौर्णिमा पालोदकर, महिला तुरुंगाधिकारी, श्रीमती रुणाक्षी गवळी, शिक्षिका, श्रीमती हिना सय्यद, सामाजिक कार्यकर्ता आणि इतर महिला कर्मचाऱ्यांनी केले होते. कार्यक्रमाचे सुत्रसंचालन श्रीमती रजनी मोटके, शिक्षिका यांनी तर आभार प्रदर्शन श्रीमती पल्लवी कदम, उपअधीक्षक यांनी केले.

या कार्यक्रमाचे मुख्य आकर्षण होते:

• महिला बंद्यांनी सादर केलेले विविध सांस्कृतिक कार्यक्रम
• मा. श्रीमती स्वाती साठे यांच्या मार्गदर्शनपर भाषण
• सिध्ददोष महिला बंदींसाठी विशेष माफी

या कार्यक्रमाद्वारे महिला बंद्यांमधील कलागुणांना वाव देण्यात आला आणि त्यांना प्रोत्साहन देण्याचा प्रयत्न करण्यात आला.