ऑनलाईन फसवणुकीच्या गुन्ह्यातून मोठी रक्कम लुटली; भोसरीमध्ये गुन्हा दाखल
पुणे, भोसरी:
एमआयडीसी भोसरी पोलिस ठाण्याच्या हद्दीत मोठ्या ऑनलाईन फसवणुकीच्या गुन्ह्याचा पर्दाफाश झाला आहे. पुरूष फिर्यादी वय ३४ वर्षे, धंदा नोकरी, रा. मोशी प्राधिकरण यांनी दिलेल्या तक्रारीनुसार, २३ मे २०२४ ते २४ जून २०२४ या कालावधीत त्यांच्या सोबत ऑनलाईन फसवणूक करण्यात आली. या प्रकरणात पोलिसांनी भादवी कलम ४२० सह माहिती तंत्रज्ञान (सुधारणा) अधिनियम २००८ चे कलम ६६ डी अंतर्गत गुन्हा नोंदवला आहे.
गुन्ह्याचा तपशील:
फिर्यादीला मोबाईल नंबर ८०३५७२३३९६ वरील इसम राजीव गुप्ता आणि मोबाईल नंबर ७८३९८६१०८१ वरील अनोळखी इसम दिनेश कुमार यांनी संपर्क साधला. या दोन्ही इसमांनी टेलीग्रामवर ग्रुप बनवून फिर्यादीला मनी लॉन्ड्रींग मार्फत पैसे त्यांच्या अकाऊंटवर आले असल्याचे सांगून फसवणूक केली. त्यांनी फिर्यादीला हयुमन ट्राफिंकिंगसाठी केलेल्या मनी लॉन्ड्रींगची रक्कम त्यांच्या अकाऊंटवर आल्याचे खोटे सांगून त्यांना वेगवेगळ्या अकांऊटवर रक्कम ट्रान्सफर करण्यास भाग पाडले. या फसवणुकीत फिर्यादीला एकूण १२,७५,५६९/- रुपये गमवावे लागले.
गुन्हा दाखल:
दिवस ८ जुलै २०२४ रोजी २०/३३वा. रोजी गुन्हा दाखल करण्यात आला आहे. आरोपींनी फसवणूक करण्यासाठी उच्चतंत्रज्ञानाचा वापर करून फिर्यादीच्या विश्वासाला गालबोट लावले. सदर प्रकरणात आरोपींना अद्याप अटक करण्यात आलेली नाही.
भोसरी पोलिस अधिक तपास करीत असून आरोपींच्या अटकेसाठी विशेष पथकाची स्थापना करण्यात आली आहे. फिर्यादीला त्वरित न्याय मिळावा आणि आरोपींना योग्य शिक्षा मिळावी, असे पोलिसांचे म्हणणे आहे.
सतर्कतेचा इशारा:
पोलिसांनी जनतेला ऑनलाईन फसवणुकीपासून सावधान राहण्याचे आवाहन केले आहे. कोणत्याही अनोळखी व्यक्तीच्या कॉल्सना प्रतिसाद देऊ नये आणि आपल्या बँक खात्याची माहिती कोणत्याही परिस्थितीत शेअर करू नये.
पुणे सिटी लाईव्ह मीडिया नेटवर्कसाठी, भोसरी