पुणे, ३० जून २०२४ – आज संत श्री. ज्ञानेश्वर महाराज यांची पालखी श्री. क्षेत्र आळंदी येथून पुण्यात येणार आहे. या पवित्र वारीच्या मार्गामुळे वाहतूक सुरळीतपणे चालण्यासाठी प्रशासनाने काही तात्पुरते बदल केले आहेत.
वाहतूक बंद रस्ते आणि पर्यायी मार्ग:
१. कळस फाटा ते बोपखेल फाटा विश्रांतवाडी चौक: या रस्त्यावर वाहतूक बंद करण्यात येणार आहे. पर्यायी मार्ग म्हणून धानोरी रोडचा वापर करा.
२. मेंटल हॉस्पीटल कॉर्नर ते आळंदी रोड जंक्शन: हा रस्ता बंद राहील. वाहनचालकांनी जेल रोड-विमानतळ रोड मार्गाचा वापर करावा.
३. सादलबाबा दर्गा ते पाटील इस्टेट रोड: या मार्गावरील वाहतूक बंद राहील. पर्यायी मार्ग म्हणून पर्णकुटी चौक, गुंजन चौक, जेल रोड, गॅरीसन इंजिनिअरींग चौक, विश्रांतवाडी चौकचा वापर करावा.
४. चंद्रमा चौक ते आळंदी रोड: या रस्त्यावर वाहतूक बंद राहील. अंतर्गत रस्त्यांचा वापर करावा.
५. नविन आंबेडकर सेतू ते चंद्रमा चौक: या मार्गावरील वाहतूक बंद राहील.
६. होळकर ब्रीज ते चंद्रमा चौक व होळकर ब्रीज ते साप्रस चौकी: या रस्त्यांवरील वाहतूक बंद राहील.
संत श्री. ज्ञानेश्वर महाराज यांची पालखी आळंदी येथून वडमुखवाडी, चन्होली फाटा, दिधी मॅगझीन, बोपखेल फाटा, बी.ई.जी. ट्रेनिंग बटालीयन नं. २, म्हस्के वस्ती, कळस ओढा, विश्रांतवाडी, फुलेनगर, साप्रस चौकी, चंद्रमा चौक, सादलबाबा चौक, संगमवाडी रोड, पाटील ईस्टेट चौक, आणि इंजिनिअरींग कॉलेज चौक या मार्गाने येईल. या मार्गावर पहाटे २.०० वाजल्यापासून वाहतूक तात्पुरती बंद करण्यात येईल.
भाविकांनी आणि नागरिकांनी प्रशासनाच्या या सूचनांचे पालन करून सहकार्य करावे, जेणेकरून पालखी सोहळा सुरळीतपणे पार पडू शकेल.
रोहिदास पवार, पोलीस उप आयुक्त, वाहतूक शाखा, पुणे शहर