पुणे: दांडिया खेळताना झालेल्या वादातून तरुणावर शस्त्राने वार !
पोलिसांनी दिलेल्या माहितीनुसार, सिंहगड रस्त्यावरील एका मैदानावर तरुण दांडिया खेळत होता. त्यावेळी दुसऱ्या गटातील तरुणांशी त्याच्यात वाद झाला. वाद विकोपाला जाऊन आरोपींनी तरुणाच्या डोक्यात बिअरची बाटली फोडली. त्यानंतर तीक्ष्ण शस्त्राने त्याच्यावर वार केले.
या हल्ल्यात तरुण गंभीर जखमी झाला. त्याला तातडीने रुग्णालयात दाखल करण्यात आले. तरुणाचे नाव रोहित शिंदे (वय २५, रा. सिंहगड रस्ता) असे आहे.
पोलिसांनी आरोपींवर गुन्हा दाखल केला असून त्यांचा शोध सुरू आहे.
