🚨 उंड्री येथे भरधाव कारचा भीषण अपघात; पादचारी ठार, आरोपी अटकेत | Undri News Today

उंड्री येथे भीषण अपघात: वेगात चालविलेल्या कारने पादचाऱ्याला चिरडले, आरोपी अटकेत

पुणे – उंड्री परिसरात न्याती ईबोनी सोसायटीच्या कंपाउंडजवळ भीषण अपघाताची घटना घडली आहे. आरोपी समीर गणेश कड (वय ३२, रा. होलेवस्ती, उंड्री) याने भरधाव कार चालवत नियमांचे उल्लंघन केले आणि पादचारी सुजीतकुमार बसंतप्रसाद सिंग (वय ४९, रा. हांडेवाडी, पुणे) यांना जबर ठोस मारून गंभीर जखमी केले. उपचारापूर्वीच त्यांचा मृत्यू झाला.

ही घटना १ एप्रिल २०२५ रोजी सकाळी ६.३० ते ८.०० वाजताच्या सुमारास घडली. अपघातानंतर आरोपी घटनास्थळी न थांबता पळून गेला.

या प्रकरणी फिर्यादी अर्चना सिंग (वय ४९, रा. उंड्री, पुणे) यांनी काळेपडळ पोलीस ठाण्यात तक्रार दाखल केली आहे. पोलिसांनी तत्काळ तपास सुरू करून आरोपीला अटक केली आहे.

या घटनेवर भा.न्या.सं. कलम १०६, २८१ आणि मोटर वाहन कायदा कलम १८४, १३४(अ), ११९/१७७ अंतर्गत गुन्हा दाखल करण्यात आला आहे. पुढील तपास पोलीस करत आहेत.

📌 ताज्या अपडेट्ससाठी आम्हाला Google News वर फॉलो करा:
🔗 Google News Pune City Live

📌 आमच्या WhatsApp Channel ला जॉइन करा:
🔗 Join Pune City Live WhatsApp Channel