पिंपरी : निगडी प्राधिकरण, सिंधूनगर येथील सरस्वती माध्यमिक व उच्च माध्यमिक विद्यालयात श्री छत्रपती शिवाजी महाराज जयंती कार्यक्रम उत्साहात पार पडला. शिवजयंती निमित्त गोविंदराव दाभाडे, मुख्याध्यापिका साधना दातीर, उप-मुख्याध्यापक विजय बच्चे, पर्यवेक्षक प्रदीप काळोखे, पर्यवेक्षिका कोकिळा आहेर उपस्थित होते. मनिषा जाधव यांनी श्री छत्रपती शिवाजी महाराजांची कारकीर्द विशद केली. यावेळी ईश्वरी वसू व अर्पिता पवार या विद्यार्थिनींनी छत्रपती शिवाजी महाराजांच्या जीवनकार्याची माहिती दिली. यावेळी आठवी व नववीच्या विद्यार्थिनींनी पोवाड्यांचे सादरीकरण केले. ऐश्वर्या जंगम यांनी प्रास्ताविक केले. गौरी वसू यांनी सूत्रसंचालन केले. विष्णू कुंभारकर यांनी आभार मानले.