रोहित पवार (Rohit Pawar) यांनी महाराष्ट्राच्या निवडणुकांमध्ये झालेल्या अनेक अनियमिततेवर तीव्र प्रतिक्रिया व्यक्त केली आहे. त्यांच्या म्हणण्यानुसार, या निवडणुकांमध्ये पैसे वाटप, गुंडांचा वापर, बूथ ताब्यात घेणे, मतदारांनी मतदानाकडे पाठ फिरवावी यासाठी शासकीय यंत्रणेला हाताशी धरून मतदान संथ करणे, मतदानाची आकडेवारी बदलणे, आणि हजारो नावे मतदान यादीतून गायब करणे असे कधीही न घडलेले प्रकार पाहायला मिळाले.
या दडपशाहीच्या विरोधात सर्वसामान्य नागरिकांनी आवाज उठवला असला तरी #INDIA आघाडीतील नेत्यांनी पाहिजे तेवढा आवाज उठवला नसल्याचे पवार यांना खेद वाटतो. ते म्हणतात, “सभाच घेऊन, जनता सोबत असून चालत नाही. निवडणुकाही पारदर्शकपणे पार पडणं आवश्यक आहे.” त्यांनी विरोधी पक्षातील सर्व नेत्यांना आवाहन केले आहे की, या प्रकरणी त्वरित दाद मागून न्याय मिळवावा.
LokSabhaElections2024