पुणे | सिम्बायोसिस इंटरनॅशनल कल्चरल सेंटरचा आंतरराष्ट्रीय विद्यार्थी दीक्षांत समारंभ राज्यपाल रमेश बैस यांच्या प्रमुख उपस्थितीत संपन्न झाला.
या समारंभात बोलताना राज्यपाल रमेश बैस यांनी विद्यार्थ्यांना सुरक्षित नोकऱ्यांच्या मागे धावण्याऐवजी नवोन्मेषक बनण्याचे आणि स्वतःचा व्यवसाय सुरू करण्याचे आवाहन केले. त्यांनी असेही म्हटले की, “रोजगार शोधणारे बनू नका तर रोजगार निर्माण करणारे बना.” राज्यपालांनी विद्यार्थ्यांना स्वप्नांना गवसणी घालण्याचे आणि उद्यमशीलता आत्मसात करण्याचे संदेश दिले.
हा दीक्षांत समारंभ विद्यार्थ्यांसाठी प्रेरणादायक ठरला असून, त्यांनी राज्यपालांच्या विचारांना प्रतिसाद देऊन आपापल्या क्षेत्रात नवनवीन प्रयोग करण्याचे ठरवले आहे.
